Sígarettureykur hefur mismunandi áhrif á kynþætti

Reykingar gætu valdið öðruvísi skaða á blökkumönnum en hvítum, niðurstöður bandarískrar rannsóknar benda til þess. Rannsóknin sem birt er í læknatímaritinu Chest tók til 220 barna með astma sem anda þurftu að sér sígarettureyk. Meira en helmingur barnanna voru blökkumenn. Rannsakendur mældu magn kótínín, sem er efni sem líkamin breytir nikótíni í. Það kom í ljós að svört börn sem önduðu að sér sígarettureyk mældust með mun hærra magn kótíníns en hvítu börnin í rannsókninni. Kótínín gefur vísbendingu um hversu vel líkamanum tekst að umbreyta nikótíni en er ekki skaðlegt í sjálfu sér. Rannsóknin bendir þó til þess að kynþættir bregðist mismunandi við áhrifum tóbaks. Rannsakendur komust ekki að þessu sinni til botns í því hvort sígarettureykur valdi ákveðnum kynþáttum meiri eða minni skaða en öðrum, en áhrifin eru vissulega mismunandi.