Farsímanúmer á 200 milljónir króna

Farsímanúmerið 666 6666 var selt á uppboði í furstadæminu Quatar, á þriðjudag, fyrir rífar 200 milljónir króna. Það er þarmeð orðið dýrasta símanúmer í heimi. Átta manns tóku þátt í uppboðinu, en ekki hefur verið upplýst hver kaupandinn er. Seljandinn var hinsvegar símafyrirtækið Telco Qtel.

Næst dýrasta símanúmer í heimi er átta sinnum talan átta, sem kínverskt flugfélag borgaði 36 milljónir króna fyrir. Dýrasta símanúmer heims má túlka á ýmsa vegu. 666 er náttúrlega talin tala djöfulsins, en fróðir segja að einnig megi lesa úr því orðið Allah, sem þýðir guð.