Skrifræði skrattans

Serbneskur maður varð svo reiður yfir skrifræðinu sem kom í veg fyrir að hann gæti gefið konunni sinni gjöf á baráttudegi kvenna, að hann fór á tollstofuna með járnstöng og braut þar allt og bramlaði. Sasa Dunesijevits keypti á síðasta ári franska örbílinn Axiam 500, sem er svo nettur að það má keyra hann ef maður hefur próf á skellinöðru.

Sasa ætlaði að gefa konu sinni bílinn í dag, en þegar hann fór á tollstofuna voru þeir enn að rökræða hvort þetta væri bíll eða skellinaðra. Þá fór Sasa á límingunum og greip járnstöngina. Í viðtali við dagblaðið Kurir, sagði hann að hann hefði fylgt öllum reglum í hvívetna, bæði serbneskum og evrópskum. "Að lokum ákvað ég að gera það sem ég gerði," "Þeir geta hirt bílinn og stungið honum þangað sem sólin skín ekki."