Þungarokk á Hróarskeldu

Hátíðin tilkynnir með stolti nokkrar þungarokkhljómsveitir til leiks. Hljómsveitirnar eru: Mastodon (US), Pelican (US), Cult of Luna (S) og mikla þungavigtarvini Roskilde hátíðarinnar: SLAYER (US).

Slayer hefur heimsótt Roskilde reglulega í gegnum tíðina og slá ekki slöku við að þessu sinni. Þeir eru nú aftur komnir með alla upprunalegu meðlimi sína innan borðs sem gáfu út plötur á borð við Reign in Blood og Season in the Abyss.

Þeir sem þekkja til í þungarokkheiminum ættu líka að kannast við Mastodon frá Bandaríkjunum en þeir hafa fengið gríðarlega mikla athygli og virðingu fyrir plötu sína Blood Mountain.

Bandaríska hljómsveitin Pelican og sænska sveitin Cult of Luna eru hér einnig kynntar til leiks og þykja þær engu síðri en þær tvær fyrrnefndu. Báðar sveitir einkennast af miklu og þungu gítarspili.

Spurningakeppni roskilde-festival.is

Góð þátttaka hefur verið undanfarna daga í spurningaleiknum sem fer fram á heimasíðunni (roskilde-festival.is). Nokkuð hefur borið á því að fólk skrái sig á póstlistann en sendi ekki inn svarið við spurningu keppninnar. Endilega að senda inn svarið líka, það er möguleiki á að vinna sér inn tvo miða á Roskilde '07!

Til að lesa nánar um hátíðina og aðrar hljómsveitir sem tilkynntar hafa verið hingað til, er gott að kíkja á heimasíðu hátíðarinnar: www.roskilde-festival.is