Hollendingurinn játaði sína sök

Eitt umfangsmesta fíkniefnasmygl síðari ára var tekið fyrir í Héraðsdómi Reykjavíkur í dag. Þrír Íslendingar og einn Hollendingur eru ákærðir fyrir innflutning og vörslu á fimmtán kílóum af amfetamíni og tíu af kannabis. Íslendingarnir báru af sér sakir en Hollendingurinn játaði að mestu.

Efnin voru falin í bensíntanki BMW bifreiðar sem Íslendingur á fimmtugsaldri flutti frá Rotterdam með skipi sem kom til Reykjavíkur í byrjun apríl. Tollverðir fundu megnið af fíkniefnunum við leit en bíllinn var síðan tollafgreiddur og hinir ákærðu fluttu hann í iðnaðarhúsnæði við Krókháls. Þar stóð lögreglan mennina að verki þar sem þeir voru að fjarlægja flöskur með fíkniefnum úr bensínstank bílsins. Við aðalmeðferð málsins í dag játaði Hollendingurinn að hafa vitað af fíkniefnunum og sömuleiðis að hafa verið að fjarlægja efnin úr bílnum þegar lögreglan mætti á Krókháls. Hann neitar því hins vegar að hafa staðið fyrir, skipulagt og fjármagnað innflutninginn. Þóknun hans átti að ganga upp í skuldir. Hann neitaði að gefa upp hverjir stæðu á bak við innflutninginn þar sem hann óttaðist um fjölskyldu sína í Hollandi.

Íslendingurinn sem er ákærður fyrir að hafa staðið að innflutningnum með Hollendingnum, neitaði sök. Hann hafi farið til Belgíu að skoða bílinn fyrir annan mann. Skoðunin tók tvær mínútur að eigin sögn. Hann lét síðan flytja bílinn til Íslands en kveðst ekki hafa vitað af fíkniefnunum fyrr en hann kom til landsins sem er andstætt framburði við skýrslutöku lögreglu en bar fyrir sig slæmu líkamlegu ástandi vegna hjartaáfalls sem hann fékk í gæsluvarðhaldi við þá skýrslutöku. Hann hefði að vísu grunað að eitthvað væri í bílnum en taldi að það gætu kannski verið "húsgögn eða eitthvað".Aðalmeðferð stendur enn yfir.

eðferð stendur enn yfir.