Bankaeigandi myrtur í Rússlandi

Meðeigandi lítils banka í Rússlandi var myrtur í Moskvu í dag. Þetta kom fram í fréttum frá Interfax fréttastofunni og hefur hún heimildarmenn innan rússnesku lögreglunnar. Maðurinn hét Konstantin Meshceryakov og var skotinn í höfuðið fyrir utan heimili sitt.

Hann er þriðji rússneski bankamaðurinn sem er myrtur í Rússlandi á síðustu þremur mánuðum. Starfsumhverfi banka í Rússlandi er talið óöruggt og oft gruggugt og hefur Vladimir Putin Rússlandsforseti skipað rússnesku lögreglunni að herða eftirlit sitt með bankakerfinu og starfsmönnum þess.