Umfjöllun Ekstra-blaðsins vitleysa

Sigurður Einarsson, stjórnarformaður Kaupþings banka, segir umfjöllun Ekstra-blaðsins vitleysu. Vinnuaðferðir bankans séu ekki aðrar en annarra alþjóðlegra banka, þar á meðal danskra.

"Sé greinin lesin með öllum gildishlöðnu lýsingarorðunum um vinblásna klettaeyju, lukkuriddara, eyjaskeggja, árásargjarna víkinga og annað þess háttar er varla hægt að gera annað en að hlæja að þessu," segir Sigurður.

"Ég hef sagt við Danina vini mína að það hafi verið dálítil umræða í Danmörku um ákveðin virðuleg fyrirtæki þar sem hafi verið sökuð um spillingu í hinni svokölluðu "olíu fyrir mat" áætlun SÞ við Írak. Það leiði mig ekki til að halda að allt danskt viðskiptalíf sem gegnumsýrt af spillingu."