4 slökkviliðsmenn týndu lífi í Palm Springs

Fjórir slökkviliðsmenn týndu lífi og einn brenndist illa þar sem þeir börðust við kjarrelda nærri Palm Springs í Bandaríkjunum í dag. Talið er að eldarnir logi nú á 4.000 hektara svæði og grunur leikur á að um íkveikju sé að ræða. 700 íbúum í nærliggjandi þorpum hefur verið fyrirskipað að flytja frá heimilum sínum. Sumir hafa þurft að fara að heiman án nokkurs fyrirvara og þurft að skilja eftir eigur og gæludýr.

Á bilinu 400 til 1.000 manns sitja fastir á svæði þar sem fólk á húsbílum staldrar við á ferðum sínum. Slökkviliðsmönnum hefur ekki tekist að koma því fólki af hættusvæði. Líklegt er þó talið að það takist.

Eldarnir blossuðu upp fyrir um 12 klukkustundum á svæði 145 km austur af Los Angeles og 27 km norð-vestur af Palm Springs.

Um það bil 1.000 slökkviliðsmenn berjast nú við eldana og leið og heitir vindar fara um svæðið og gera starf þeirra erfiðara en ella.