Hagnaður svissneska tryggingarisans Zurich Financial Services nam 910 milljónum evra, jafnvirði 81,5 milljörðum íslenskra króna, á öðrum ársfjórðungi sem er 14,9 prósenta aukning á milli ára. Þetta er umfram væntingar en búist var við 840 milljóna króna hagnaði.
Tekjur námu 435 milljónum evra, jafnvirði 39 milljarða króna, sem er 4 prósenta aukning á milli ára.
Að sögn stjórnar fyrirtækisins var hagnaður af rekstri flestra þátta fyrirtækisins á fyrri helmingi árs. Sér í lagi hafi sala á líftryggingum tekið við sér, að sögn James Schiro, forstjóra fyrirtækisins.
