Bætist við á Iceland Airwaves 2006

Who Made Who? (DK), The Cribs (UK), Islands (CAN)

- og 12 aðrir listamenn bætast dagskrá tónlistarhátíðarinnar Iceland Airwaves 2006

Breska rokksveitin The Cribs, elektrópopp-rokkararnir í whomadewho frá Danmörku, hin bresk-íslenska The Fields, kanadíska Islands og Cold War Kids frá Kaliforníu hafa nú bæst við dagskrá tónlistarhátíðarinnar Iceland Airwaves 2006. Auk þessara fimm erlendu hljómsveita bætast tíu íslenskir listamenn við dagskrá hátíðarinnar þar á meðal trúbadorinn Þórir eða My Summer as a Salvation Soldier eins og hann kallar sig á alþjóðavettvangi, teknó tröllið Thor, óþekktarormarnir Dr. Mister og Mr. Handsome, Tilraunaeldhús foringinn Kira Kira, Biogen, Worm is Green og Johnny Sexual.

Iceland Airwaves 2006 fer fram í miðborg Reykjavíkur daganna 18.-22. október. Alls munu um 130 listamenn og hljómsveitir munu koma fram á hátíðinni - þar af yfir 100 innlendir.

Enn geta íslenskir listamenn og hljómsveitir sótt um að koma fram á Iceland Airwaves 2006, en tekið verður við umsóknum fram til 10. júlí. Til að sækja um þarf að ná í sérstakt eyðublað á http://www.icelandairwaves.com sem finna má undir liðnum 'Industry', fylla út, prenta og skila til Hr. Örlygs, skipuleggjenda hátíðarinnar, ásamt fylgigögnum. Þau gögn sem fylgja skulu umsókn eru a) diskur með tónlist b) diskur með upplýsingatexta um flytjanda ásamt mynd. Hr. Örlygur leggur áherslu á að ekki er tekið við umsóknum eftir þann tíma. Bein slóð á eyðublaðið og frekari leiðbeiningar er að finna hér: http://www.icelandairwaves.com/page.asp?pageID=58

Framkvæmd Iceland Airwaves er í höndum Hr. Örlygs í samstarfi við Icelandair og Reykjarvíkurborg.

Mikið hefur verið fjallað um The Cribs (UK) í breskum fjölmiðlum undanfarið og nýlega breiðskífu sveitarinnar The New Fellas. Sveitin byrjaði árið á því að túra með Kaiser Chiefs um Bretland og við tók upphitunarpláss í tónleikaferðum Franz Ferdinand og Death Cab for Cutie um Bandaríkin og Kanada. Í sumar mun The Cribs spila á tónlistarhátíðunum Reading, Leeds og T In the Park í Bretlandi, Fuji Rock, Oxygen í Noregi og Siren í New York. Meðlimir sveitarinnar eru miklir mátar strákana í Kaiser Chiefs sem sögðu þeim að þeir yrðu að skella sér með þeim á Airwaves í haust! www.thecribs.com

www.myspace.com/thecribs

Það er erfitt að merkja Whomadewho einvherri ákveðinni tónlistarstefnu, en elektró-fönk skotinni rokktónlist sveitarinnar hefur m.a. verið líkt við Hot Chip og The Rapture. Fyrsta breiðskífa þeirra samnefnd sveitinni kom út í fyrra - og fékk góðar viðtökur í dönsku músík pressunni og náði einnig athygli utan landsteinana ("One of 2005's real finds" (NME). Whomadewhoe þykja flottir á tónleikum og munu einhverjir íslendingar geta sannreint það á Roskilde hátíðinni í ár.

http://www.myspace.com/thecribs

www.myspace.com/whomadewhomusic

Hljómsveitin Islands frá Montreal sendi frá sér sína fyrstu breiðskífu, Return to the Sea, fyrir skemmstu hjá hinni virtu Rough Trade útgáfu. Á henni koma m.a. við sögu landar þeirra í The Arcade Fire og Wolf Parade - en síðarnefnda sveitin mun einnig spila á Airwaves í ár. Islands, sem sprottin er út úr hljómsveitinni The Unicorns, þykja hreint rosalegir á sviði og gerði mikla lukku á South by SouthWest hátíðinni í mars.

www.islandsareforever.com

www.myspace.com/islandsareforever

Þrátt fyrir skamman líftíma hefur bresk-íslenska hljómsveitin The Fields, sem skipuð söngkonunni Þórunn Antoniu, þegar gert plötusamning við Atlantic Records. Fyrsti afrakstur hans, 4 From the Village EP, mun líta dagsins ljós 10. júlí. The Fields hafa verið upptekin við tónleikahald í Bretlandi síðustu vikur og mánuði þar sem bandið hitaði m.a. upp fyrir Snow Patrol á einum tónleikum. www.myspace.com/songsforthefields

Rokksveitin Cold War Kids, frá Fullerton, Kaliforníu,er band sem vert er að fylgjast með. Sveitin er þegar byrjuð að gera nokkurn usla í New York og verður gaman að sjá hvar hún verður stödd á ferlinum þegar hún kemur fram á Airwaves í haust.

www.coldwarkids.com/

www.myspace.com/coldwarkids