Einn af aðallögfræðingum Saddams Husseins, fyrrverandi Íraksforseta, hefur verið drepinn. Þetta hefur íröksk lögregla staðfest. Manninum, Khamis al-Obaidi, mun hafa verið rænt í Bagdad og hann skotinn skömmu síðar en líkið af honum fannst í höfuðborginni. Ekki er vitað hvort þetta hafi áhrif á réttarhöldin yfir Hussein vegna glæpa hans en þau standa nú yfir og hafa sækjendur farið fram á dauðarefsingu yfir forsetanum fyrrverandi.
Einn af aðalverjendum Husseins drepinn
