Miami vann fimmta leikinn

Miami Heat sigraði Dallas Mavericks í fimmta leik liðanna í úrslitum NBA deildarinnar. Leikurinn var framlengdur og endaði 101-100. Hinn magnaði Dwyane Wade tryggði sigurinn með tveimur vítaskotum þegar 1,9 sekúndur voru eftir af leiknum. Hann hafði áður tryggt liði sínu framlengingu með góðu skoti í venjulegum leiktíma.

Dwyane Wade skoraði 43 stig í leiknum. Shaquille O'Neal skoraði 18 stig. Hjá Dallas var Jason Terry stigahæstur með 35 stig en Dirk Nowitzki skoraði 20 stig.

Miami leiðir nú einvígið með þremur sigrum gegn tveimur en fjóra sigra þarf til að hampa titlinum. Næstu tveir leikir fara fram í Dallas.