Cruyff ánægður með Van Basten

Hollenska goðsögnin, Johan Cruyff er mjög ánægður með Marco van Basten, landsliðsþjálfara hollendinga, Segir hann að liðið sé á rétti leið og Basten sé að gera hárétta hluti með það.

Cruyff var fyrir leikinn gegn Fílabeinsströndinni spurður álits á hollenska liðinu og var hann ánægður með það sem hafði komið fram. Hann hældi einnig Ítalska og Spænska liðinu.

"Van Basten hefur gert magnaða hluti með liðið og hann er á rétti leið. Heimsmeistarakeppni er einstakur viðburður og ég skal lofa því að margt fallegt á eftir að koma fram. Ég var einnig mjög hrifinn af spænska liðinu og því ítalska. Bæði þessi lið spiluðu góðan sóknarbolta, og ég var líka hrifinn af því sem Portúgalar voru að sýna. Holland? Ég sagði það áðan að Van Basten er þjálfarinn og HM er frábært tækifæri til að sýna hvað maður er að gera og getur. Þeir eiga eftir að sýna sitt," sagði Cruyff.