Lögregla réðist inn á skrifstofur Juventus

Heimildamaður Reuters-fréttastofunnar greindi frá því í dag að ítalskar lögreglusveitir hefðu í dag ráðist til inngöngu á skrifstofur knattspyrnufélagsins Juventus og lagt þar hendur á gögn sem tengjast meðal annars leikmannakaupum Ítalíumeistaranna.

Stór rannsókn stendur nú yfir á Ítalíu þar sem grunur leikur á um að nokkur af stærri knattspyrnufélögunum í landinu og dómarar hafi undanfarin ár vaðið í spillingu. Hlutabréf í Juventus hafa hrapað undanfarna daga og féllum um 5,4% til viðbótar í dag eftir að þessar fréttir láku út.