Mancini horfir á annað sætið

Roberto Mancini, þjálfari Inter, segist í dag vera meira að einbeita sér að því að ná öðru sætinu í A-deildinni en að steypa Juventus af stalli á toppnum. Juventus og Inter mætast einmitt í kvöld og verður leikurinn sýndur í beinni útsendingu á Sýn Extra klukkan 19:25.

Juventus hefur níu stiga forskot á Inter fyrir leik kvöldsins, eftir að Inter tapaði síðasta leik sínum og Juventus gerði jafntefli. "Markmið okkar þessa stundina er að reyna að tryggja okkur annað sætið á undan AC Milan," sagði Manchini, en AC skaust upp að hlið Inter í dag með öruggum sigri á Reggina 4-1 á útivelli þar sem Inzaghi skoraði þrennu.