403 kúldruðust í 18 metra báti

Ítalska strandgæslan stöðvaði för 403 ólöglegra innflytjenda sem allir voru í sama átján metra bátnum. Báturinn fannst átta kílómetra undan strönd Lampedusa við Sikiley. Í hópnum voru meðal annars tíu mánaða gamalt barn og ólétt kona.

Skömmu síðar fannst annar bátur með 36 innflytjendum en þeir voru teknir höndum við komuna í land. Allir innflytjendurnir voru fluttir í þar til gerðar búðir sem eingöngu rúma 190 manns.

Bátarnir komu frá strönd Líbýu en þjóðerni fólksins var í gær enn óþekkt.