Líkamsárás og fíkniefnabrot

Nítján ára piltur var dæmdur í þriggja mánaða skilorðsbundið fangelsi í Héraðsdómi Reykjavíkur í gær fyrir líkamsárás og fíkniefnabrot. Pilturinn sló til annars manns fyrir utan skemmtistaðinn Glaumbar fyrir rúmu ári með þeim afleiðingum að sá hlaut töluverða áverka.

Við handtöku fundust einnig rúm 15 grömm af amfetamíni í fórum árásarmannsins. Honum var gert að greiða fórnarlambi sínu 120.000 krónur auk vaxta í skaðabætur. Pilturinn hefur ítrekað komið við sögu lögreglu vegna ýmissa brota.