Vilja kaupa sjúkrastöð

Fimm þingmenn úr fjórum flokkum vilja að Íslendingar kaupi og reki færanlega sjúkrastöð í Palestínu og hafa flutt um það þingsályktunartillögu.

Í greinargerð ályktunarinnar segir að íslensk stjórnvöld eigi að leita leiða til að takmarka það tjón sem aðgerðir Ísraelsmanna valda palestínsku samfélagi enda sé það í samræmi við auknar áherslur á þróunarsamvinnu og þátttöku í friðargæslu. Tillagan hefur áður verið flutt en ekki hlotið afgreiðslu.

Jón Kristjánsson, fyrrverandi heilbrigðisráðherra, er meðal flutningsmanna.