Má taka gloss og handáburð

Bandarísk stjórnvöld hafa nú endurskoðað hertar reglur frá því í byrjun ágúst og leyfa að einhverju leyti vökva í handfarangri í flugi, ef marka má nýlega frétt norska dagblaðsins Aftenposten.

Blaðið segir að nú megi á nýjan leik taka vökva á borð við gloss og handáburð sem keyptur er í fríhöfnum með sér um borð í vélar á leið til Bandaríkjanna.

Bresk stjórnvöld hafa líka endurskoðað hertar reglur sínar og leyfa farþegum nú að hafa litla ferðatösku sem handfarangur.