Bayern eltist við Klose

Bayern München hefur nú bæst í kapphlaupið um að tryggja sér þjónustu þýska landsliðsmannsins Miroslav Klose en leikmaðurinn er nú samningsbundinn Werder Bremen. Klose var nýlega valinn leikmaður ársins í Þýskalandi og sló þar að auki í gegn með Þýskalandi á HM í sumar.

„Það er draumur minn að leika erlendis en Bayern er stórt félag,“ sagði Klose sem er samningsbundinn Bremen til 2008. „Ég er mjög ánægður hjá Bremen en býst ekki við að það muni standa í vegi fyrir mér ef stórt tilboð kemur á næsta ári.“- esá