Telpurnar voru kyrktar

Belgísku telpurnar tvær sem fundust látnar á miðvikudag í Belgíu eftir tæplega þriggja vikna leit, voru báðar myrtar, að sögn belgískra saksóknara. Þær voru báðar kyrktar og hafði eldri telpunni verið nauðgað fyrir dauða hennar. Líkin voru krufin á fimmtudag.

Telpurnar, sem voru sjö og tíu ára gamlar stjúpsystur, hurfu úr götuveislu í Liege í Belgíu, en lík þeirra fundust í holræsi við lestarteina skammt frá bænum. Einn maður situr í haldi, grunaður um aðild að málinu, en hann neitar sök.

Belgar eru harmi slegnir yfir atburðinum.