Haukar mæta Meran í dag

Haukar mæta í dag ítalska liðinu Meran í Meistaradeildinni í handknattleik, en bæði lið hafa tapað báðum leikjum sínum í keppninni til þessa. Haukar ætla sér þriðja sætið í riðlinum en það gefur sæti í þriðju umferð í Evrópukeppni félagsliða. Leikur liðanna í dag verður sýndur beint á Sýn klukkan fimm. Í gær vann Magdeburg Bregenz 37-27 í Meistaradeildinni. Arnór Atlason skoraði þrjú mörk fyrir Magdeburg og Sigfús Sigurðsson tvö. Dagur Sigurðsson skoraði fimm mörk fyrir Bregenz. Fotex Veszprem frá Ungverjalandi vann Ciudad Real 31-29. Ólafur Stefánsson skoraði tvö mörk í leiknum. Ademar Leon vann Celje Lasko 27-26, Barcelona skellti Zaporoyhe 31-22, Flensburg vann Paris St Germain 37-24, Portland lagði Kadetten 31-22 og Sävehof bar sigurorð af Gagny 31-27.