Stjörnustúlkur lögðu Tyrkina

Stjörnustúlkur lögðu tyrkneska liðið Anadolu University 39-34 í annari umferð Evrópukeppni bikarhafa í Ásgarði í kvöld. Tyrkneska liðið er mjög sterkt og er þessi sigur því mjög góður hjá Stjörnunni, sem spilar síðari leik liðanna einnig á heimavelli sínum. Staðan í hálfleik var 18-17 fyrir tyrkneska liðið. Sólveig Kjernested var markahæst í liði Stjörnunnar með 12 mörk og Jóna Ragnarsdóttir kom næst með 8, í leik sem var gríðarlega hraður og skemmtilegur, eins og tölurnar gefa til kynna.