Selja skrifstofur sínar í Evrópu

Íslandsferðir, dótturfélag FL Group, hafa selt allar söluskrifstofur sínar á meginlandi Evrópu til svissneska fyrirtækisins IS-Travel. Íslandsferðir skýra söluna með því að verið sé að gera stefnumarkandi breytingu á starfsemi félagsins sem felst í því að fyrirtækið mun hverfa af almennum neytendamarkaði í tilteknum löndum en einbeita sér að sölu pakkaferða til ferðaskrifstofa um allan heim og skipulagningu funda og ráðstefna á Íslandi. Verðmæti samningsins er trúnaðarmál. Eftir breytinguna starfa alls 50 manns hjá Íslandsferðum og fer meginhluti starfseminnar fram á Íslandi.