Kalandadze frá í sex vikur?

Georgíumaðurinn Tite Kalandadze, rétthenta skyttan sem Stjarnan fékk til sín eftir að hann sló í gegn á síðustu leiktíð með ÍBV, er fingurbrotinn og gæti misst af næstu 4-6 vikum með liði sínu.  "Það sem hrjáir hann er brotið bein í handarbakinu, held að það sé kallað miðbein. Það gæti farið svo að hann verði ekki með okkur næstu fjórar til sex vikunnar en á mánudaginn er hann að fara í nýja röntgenmyndatöku og vonandi að þá komi þetta betur í ljós," sagði Sigurður Bjarnason, þjálfari Stjörnunnar, í samtali við Fréttablaðið í gær.