Metvika á Vísi - Fjölsóttasti vefur landsins

Visir.is mælist enn fjölsóttasti vefur landsins samkvæmt samræmdri vefmælingu Modernuss. Tæplega 172 þúsund notendur sóttu vefinn í síðustu viku [171.992] og lásu rúmlega níu milljón síður. Innlit í síðustu viku voru tæplega 822 þúsund þannig að hver notandi kom að meðaltali tæplega fimm sinnum inn á vefinn í liðinni viku. Heimsóknir á Vísi hafa áður mælst fleiri en met var sett hvað varðar síðuflettingar og innlit. Heimsóknir jukust um 18,5% í síðustu viku miðað við fyrri viku, innlitin jukust um 19,1% miðað við fyrri viku og aukning í síðuflettingum mælist 48,8% milli vikna. Sem fyrr eru það blogghlutar Vísis sem njóta mestra vinsælda en fréttir og önnur þjónusta á fréttavefnum Vísi fylgja fast á eftir.