Hvar er hollustan í garð liðsins?

Stjórnarformaður Arsenal, Peter Hill-Wood, segir að Ashley Cole hafi ekki verið að gera lítið úr félaginu með því að skrifa aðeins undir árs langa framlengingu á samningi sínum við félagið en fá um leið mjög ríflega kauphækkun. Cole hafði áður lýst löngun sinni um að fara frá Arsenal, en skrifaði óvænt nýlega undir nýjan samning sem reyndist aðeins árs framlenging á þeim gamla. Stuðningsmenn Arsenal eru allt annað en ánægðir með þetta útspil Cole og segja hann freka aurasál sem fái allt upp í hendurnar án þess að binda sig félaginu til lengri tíma. En Hill-Wood segir forráðamenn Arsenal vera vel meðvitaða um hvað þeir séu að gera. "Þetta gefur okkur tíma til að hugsa okkar gang ef honum langar að fara einhverntímann síðar."