Stofna félag um stóriðju

Blása á til sóknar í stóriðjumálum á Norðurlandi. Stofnfundur félags með þetta markmið verður á Akureyri á þriðjudag. Í yfirlýsingu frá hópnum segir að mikið sé af óbeislaðri orku bæði í fallvötnum og jarðvarma. Félagið ætlar að beita sé með beinum og óbeinum hætti fyrir því að þessi orka verði beisluð og nýtt til eflingar atvinnulífs. Áhersla verður lögð á að snúa við neikvæðri umræðu sem verið hefur um virkjanir og stóriðju. Meðal þeirra sem flytja erindi á stofnfundinum eru forstöðumaður Skrifstofu atvinnulífsins á Norðurlandi, fulltrú Afls fyrir Austurland, forseti bæjarstjórnar Fjarðabyggðar og starfsmaður Alcoa.