Scarface: The World Is Yours

Vivendi Universal Games tilkynnir hér með hvaða leikarar koma til með að ljá andlit sitt og rödd í tölvuleikinn Scarface: The World Is Yours. Leikurinn, sem er áætlaður í útgáfu í haust, gefur leikmönnum tækifæri á að upplifa hasarinn og harða undirheimana þar sem einhver mesti glæpamaður allra tíma – Tony Montana – þarf að byggja upp veldi sitt aftur.  Scarface: The World Is Yours verður sýndur blaðamönnum á E3 leikjasýningunni í Los Angeles í maí næstkomandi. Til að leikmenn fái sem raunverulegasta upplifun við spilun leiksins og ná að mynda Scarface stemminguna hefur leikarinn Al Pacino samþykkt að taka þátt í gerð leiksins.  Aðrir leikarar sem koma við sögu í leiknum eru Steven Bauer og Robert Loggia (sem léku Manny Ray og Frank Lopez).  Meðal annarra leikara má nefna grínleikarana Jay Mohr og Cheech Marin og leikarana James Woods, Miguel Sandoval, Robert Davi, Michael Rappaport og Michael York. ”Al Pacino náði að skapa persónu Tony Montana á mjög kröftugan hátt og er því ómetanlegt að fá að nota útlit hans sem Tony Montana til að gera leikinn sem raunverulegastan,” segir Cindy Cook, Markaðsstjóri Vivendi Universal Games.  ”Við erum einnig mjög ánægð með að hafa náð í aðra topp leikara til að taka þátt í gerð leiksins Scarface: The World is Yours, en þátttaka þeirra mun gefa leiknum meiri dýpt og efni.” Sagan í Scarface: The World Is Yours er skrifuð útfrá því sjónarhorni ”hvað ef Tony hefði lifað af”, og hefst leikurinn í kjölfarið á uppgjörs senunni sem var í lok myndarinnar.  Leikmenn fá að ferðast um götur og staði Miami borgar ásamt því að vaða um eyjar Karabískahafsins þar sem allt er stútfullt af hörðum og hættulegum persónum.  Leikmenn þurfa að safna saman upplýsingum, berjast í skotbardögum, smygla varningi og valda sem mestri ringulreið á leið Tony Montana aftur á toppinn. Scarface: The World Is Yours er gerður af Radical Games og kemur út fyrir Sony PlayStation 2, Microsoft XBOX og PC.