Ingimundur með ellefu mörk gegn KA 5. apríl 2005 00:01 ÍR-ingar unnu KA-menn, 29-26, í fyrsta leik liðanna í 8 liða úrslitum DHL-deildar karla í kvöld. ÍR-ingar höfðu yfirhöndina allan fyrri hálfleik og fram undir miðjan seinni hálfleik þegar fjögur KA-mörk í röð fjögurra mínútna kafla komu hinu unga Akureyrarliði aftur inn í leikinn. Lengra komust norðanmenn þó ekki þrátt fyrir mikla baráttu. KA jafnaði leikinn fimm sinnum á lokakaflanum en komst aldrei yfir og ÍR-ingar voru síðan sterkari á spennandi lokamínútum og eru komnir 1-0 yfir í einvíginu. Þar má ekki síst þakka góðri innkomu markvarðarins Ólafs Hauks Gíslasonar sem varði 7 skot á síðustu 12 mínútum leiksins sem og mikilvægum mörkum Ólafs Sigurjónssonar. Það var samt Ingimundur Ingimundarson sem var yfirburðarmaður í liðinu en hann dróg vagninn í sókninni og þurfti margoft að taka á skarið. Það mátti sjá á kappanum eftir leik að fyrsti sigurinn í úrslitakeppninni í ár kostaði mikla fyrirhöfn en Ingimundur skoraði 11 mörk úr 20 skotum í leiknum. "Þetta tók á. Það verður bara að segjast eins og er að við vorum ekki að spila nægilega góðan bolta. Það var kannski smá ryð á þessu eftir páskahléð því mér fannst KA ekki vera að spila góðan bolta heldur," sagði Ingimundur sem var feginn að sigurinn var í höfn. "Þetta var hörkuleikur og það var mjög sterkt að vinna þetta. Við þurfum samt virkilega að vinna í okkar leik til þess að taka þá fyrir norðan því það er mikið sem við þurfum að bæta," sagði Ingimundur sem eins og fleiri í liðinu er að spila meiddur en Ingimundur lét skaddaðan liðþófa ekkert hafa áhrif á sig. "Það þýðir ekkert að vera að spá í þessi meiðsli. Þetta eru bara síðustu leikirnir og kannski síðustu leikirnir hjá nokkrum í liðinu á Íslandi í langan tíma og ég veit að menn eiga eftir að gefa allt í þetta meðan þeir geta." Jóhannes Bjarnason þjálfari KA-manna sá sína menn aldrei komast yfir í leiknum en þeir fengu þó góð tækifæri til þess á lokakaflanum. "Við vorum gremjulega nálægt að ná þessu því það er ekkert auðvelt að vinna sig inn í leikinn á þessum velli. Við áttum alveg dauðasjens til þess að klára þetta og komust alveg upp að þeim þrátt fyrir mýgrúa af mistökum. Það er lítið hægt að segja þótt að þessir tittir séu að gera mistök. Það sjálfsagt varðar við barnaverndarlög að vera að skamma þá of mikið," segir Jóhannes í léttum tón en auk góðrar markvörslu Hafþórs Einarssonar í markinu þá var hin unga skytta Magnús Stefánsson allt í sókninni með sjö góð mörk. "Magnús var okkar besti sóknarmaður og breytti áferðinni á leiknum hjá okkur þegar hann komst í gang," segir Jóhannes eftir leik en næsti slagur liðanna er á fimmtudagskvöldið í KA-húsinu. "Við reiknum með hörkuleik á fimmtudaginn fyrir norðan og erum nátturulega ekkert búnir að vinna hann. Við tökum bara einn leik fyrir í einu. Við erum á lífi ennþá." ÍR-KA 29-26 (14-11)Gangur leiksins: 6-2 (9 mín), 8-4, 8-7, 12-9 (21 mín), 13-10, 13-11, (14-11), 15-11, 16-12, 18-13 (36 mín), 19-14, 19-16, 21-17 (41 mín), 21-21 (47 mín), 22-22, 23-23, 25-25, 28-25 (58 mín), 28-26, 29-26. Mörk ÍR: Ingimundur Ingimundarson 11/1 (20/1 skot, 4 stoðsendingar) Ólafur Sigurjónsson 4 (8), Ragnar Már Helgason 3 (4), Tryggvi Haraldsson 3 (4), Bjarni Fritzson 3 (9/1, 5 stoðsendingar), Hafsteinn Ingason 2 (3), Hannes Jón Jónsson 2/1 (5/1), Fannar Þorbjörnsson 1 (3). Varin skot hjá ÍR: Hreiðar Guðmundsson 12 (af 34 eða 35 prósent), Ólafur Haukur Gíslason 7 (11/1 eða 64 prósent) Hraðaupphlaupsmörk: 7 (Ragnar 2, Bjarni, Hannes, Ólafur, Ingimundur, Tryggvi). Vítanýting: 2 af 3. Fiskuð víti: Tryggvi Haraldsson 2, Ólafur Sigurjónsson. Brottvísanir: 4 mínútur. Mörk KA: Magnús Stefánsson 7 (12), Jónatan Þór Magnússon 5 (7, 6 stoðsendingar), Halldór Jóhann Sigfússon 5/1 (7/1, 5 stoðsendingar), Þorvaldur Þorvaldsson 4 (5), Nikola Jankovic 2 (7), Hörður Fannar Sigþórsson 1 (1), Sævar Árnason 1 (4), Ragnar Njálsson 1 (4), Andri Snær Stefánsson 0 (2). Varin skot hjá KA: Hafþór Einarsson 21 (50/2 eða 42 prósent). Hraðaupphlaupsmörk: 5 (Jónatan 2, Jankovic 2, Magnús) Vítanýting: 1 af 1. Fiskuð víti: Jónatan Þór Magnússon. Brottvísanir: 10 mínútur. Íslenski handboltinn Mest lesið Er Donnarumma svarið frekar en nýr framherji? Enski boltinn KR sækir ungan bakvörð Körfubolti Liverpool tilbúið að hætta eltingaleiknum við Isak Enski boltinn Reynsluboltinn Coady til liðs við Hollywood-lið Wrexham Enski boltinn ÍBV fær liðsstyrk úr Laugardal Íslenski boltinn Dagskráin í dag: Þjóðhátíðarleikur í Eyjum og allskonar annað Sport „Sýna að maður eigi það skilið“ Körfubolti Bein útsending: Dagur eitt á heimsleikunum í CrossFit 2025 Sport Sigur í fyrsta leik hjá Jóhannesi Kristni Fótbolti Fáránleg hegðun á Hlíðarenda: Plastglas í höfuð og miðfingur á loft Fótbolti Fleiri fréttir „Úrvalsdeildarliðum verður ekki fækkað niður í 18“ Dagskráin í dag: Þjóðhátíðarleikur í Eyjum og allskonar annað Er Donnarumma svarið frekar en nýr framherji? KR sækir ungan bakvörð „Sýna að maður eigi það skilið“ ÍBV fær liðsstyrk úr Laugardal Reynsluboltinn Coady til liðs við Hollywood-lið Wrexham Sigur í fyrsta leik hjá Jóhannesi Kristni Liverpool tilbúið að hætta eltingaleiknum við Isak Segir að þeim besta í heimi sé skítsama Má ekki æfa fyrr en hann léttir sig Álftanes bætir Bandaríkjamanni við hópinn Verstappen slekkur á öllum sögusögnunum Jóhannes ræddi ekki við Val: „Ef ég ætlaði að fara frá KR var það alltaf bara út“ Guðjón Valur orðaður við Kiel Bein útsending: Dagur eitt á heimsleikunum í CrossFit 2025 „Númer eitt, tvö og þrjú að knúsa þau sem mest“ Spilar með bestu frisbígolfspilurum heims Einvígið á Nesinu safnar í ár fyrir minningarsjóð Bryndísar Klöru Dönsk þrenna á Akureyri, dramatík í Víkinni og óheppni á Hlíðarenda Newcastle hafnar tilboði Liverpool Niko markahæstur og Gylfi stoðsendingahæstur í Sambandsdeildinni Jón Þór Evrópumeistari á nýju Íslandsmeti Fáránleg hegðun á Hlíðarenda: Plastglas í höfuð og miðfingur á loft Kristján hættur sem þjálfari Vals en Matthías verður áfram Sagðir vilja borga helminginn fyrir Isak í ár og hinn helminginn ári síðar Netverslun Liverpool hrundi vegna álags Gaf tannlækninum teinanna sína Skoraði ekki í leiknum en dómararnir skráðu samt á hana tvö mörk Orri Hrafn í KR og getur spilað í Eyjum Sjá meira
ÍR-ingar unnu KA-menn, 29-26, í fyrsta leik liðanna í 8 liða úrslitum DHL-deildar karla í kvöld. ÍR-ingar höfðu yfirhöndina allan fyrri hálfleik og fram undir miðjan seinni hálfleik þegar fjögur KA-mörk í röð fjögurra mínútna kafla komu hinu unga Akureyrarliði aftur inn í leikinn. Lengra komust norðanmenn þó ekki þrátt fyrir mikla baráttu. KA jafnaði leikinn fimm sinnum á lokakaflanum en komst aldrei yfir og ÍR-ingar voru síðan sterkari á spennandi lokamínútum og eru komnir 1-0 yfir í einvíginu. Þar má ekki síst þakka góðri innkomu markvarðarins Ólafs Hauks Gíslasonar sem varði 7 skot á síðustu 12 mínútum leiksins sem og mikilvægum mörkum Ólafs Sigurjónssonar. Það var samt Ingimundur Ingimundarson sem var yfirburðarmaður í liðinu en hann dróg vagninn í sókninni og þurfti margoft að taka á skarið. Það mátti sjá á kappanum eftir leik að fyrsti sigurinn í úrslitakeppninni í ár kostaði mikla fyrirhöfn en Ingimundur skoraði 11 mörk úr 20 skotum í leiknum. "Þetta tók á. Það verður bara að segjast eins og er að við vorum ekki að spila nægilega góðan bolta. Það var kannski smá ryð á þessu eftir páskahléð því mér fannst KA ekki vera að spila góðan bolta heldur," sagði Ingimundur sem var feginn að sigurinn var í höfn. "Þetta var hörkuleikur og það var mjög sterkt að vinna þetta. Við þurfum samt virkilega að vinna í okkar leik til þess að taka þá fyrir norðan því það er mikið sem við þurfum að bæta," sagði Ingimundur sem eins og fleiri í liðinu er að spila meiddur en Ingimundur lét skaddaðan liðþófa ekkert hafa áhrif á sig. "Það þýðir ekkert að vera að spá í þessi meiðsli. Þetta eru bara síðustu leikirnir og kannski síðustu leikirnir hjá nokkrum í liðinu á Íslandi í langan tíma og ég veit að menn eiga eftir að gefa allt í þetta meðan þeir geta." Jóhannes Bjarnason þjálfari KA-manna sá sína menn aldrei komast yfir í leiknum en þeir fengu þó góð tækifæri til þess á lokakaflanum. "Við vorum gremjulega nálægt að ná þessu því það er ekkert auðvelt að vinna sig inn í leikinn á þessum velli. Við áttum alveg dauðasjens til þess að klára þetta og komust alveg upp að þeim þrátt fyrir mýgrúa af mistökum. Það er lítið hægt að segja þótt að þessir tittir séu að gera mistök. Það sjálfsagt varðar við barnaverndarlög að vera að skamma þá of mikið," segir Jóhannes í léttum tón en auk góðrar markvörslu Hafþórs Einarssonar í markinu þá var hin unga skytta Magnús Stefánsson allt í sókninni með sjö góð mörk. "Magnús var okkar besti sóknarmaður og breytti áferðinni á leiknum hjá okkur þegar hann komst í gang," segir Jóhannes eftir leik en næsti slagur liðanna er á fimmtudagskvöldið í KA-húsinu. "Við reiknum með hörkuleik á fimmtudaginn fyrir norðan og erum nátturulega ekkert búnir að vinna hann. Við tökum bara einn leik fyrir í einu. Við erum á lífi ennþá." ÍR-KA 29-26 (14-11)Gangur leiksins: 6-2 (9 mín), 8-4, 8-7, 12-9 (21 mín), 13-10, 13-11, (14-11), 15-11, 16-12, 18-13 (36 mín), 19-14, 19-16, 21-17 (41 mín), 21-21 (47 mín), 22-22, 23-23, 25-25, 28-25 (58 mín), 28-26, 29-26. Mörk ÍR: Ingimundur Ingimundarson 11/1 (20/1 skot, 4 stoðsendingar) Ólafur Sigurjónsson 4 (8), Ragnar Már Helgason 3 (4), Tryggvi Haraldsson 3 (4), Bjarni Fritzson 3 (9/1, 5 stoðsendingar), Hafsteinn Ingason 2 (3), Hannes Jón Jónsson 2/1 (5/1), Fannar Þorbjörnsson 1 (3). Varin skot hjá ÍR: Hreiðar Guðmundsson 12 (af 34 eða 35 prósent), Ólafur Haukur Gíslason 7 (11/1 eða 64 prósent) Hraðaupphlaupsmörk: 7 (Ragnar 2, Bjarni, Hannes, Ólafur, Ingimundur, Tryggvi). Vítanýting: 2 af 3. Fiskuð víti: Tryggvi Haraldsson 2, Ólafur Sigurjónsson. Brottvísanir: 4 mínútur. Mörk KA: Magnús Stefánsson 7 (12), Jónatan Þór Magnússon 5 (7, 6 stoðsendingar), Halldór Jóhann Sigfússon 5/1 (7/1, 5 stoðsendingar), Þorvaldur Þorvaldsson 4 (5), Nikola Jankovic 2 (7), Hörður Fannar Sigþórsson 1 (1), Sævar Árnason 1 (4), Ragnar Njálsson 1 (4), Andri Snær Stefánsson 0 (2). Varin skot hjá KA: Hafþór Einarsson 21 (50/2 eða 42 prósent). Hraðaupphlaupsmörk: 5 (Jónatan 2, Jankovic 2, Magnús) Vítanýting: 1 af 1. Fiskuð víti: Jónatan Þór Magnússon. Brottvísanir: 10 mínútur.
Íslenski handboltinn Mest lesið Er Donnarumma svarið frekar en nýr framherji? Enski boltinn KR sækir ungan bakvörð Körfubolti Liverpool tilbúið að hætta eltingaleiknum við Isak Enski boltinn Reynsluboltinn Coady til liðs við Hollywood-lið Wrexham Enski boltinn ÍBV fær liðsstyrk úr Laugardal Íslenski boltinn Dagskráin í dag: Þjóðhátíðarleikur í Eyjum og allskonar annað Sport „Sýna að maður eigi það skilið“ Körfubolti Bein útsending: Dagur eitt á heimsleikunum í CrossFit 2025 Sport Sigur í fyrsta leik hjá Jóhannesi Kristni Fótbolti Fáránleg hegðun á Hlíðarenda: Plastglas í höfuð og miðfingur á loft Fótbolti Fleiri fréttir „Úrvalsdeildarliðum verður ekki fækkað niður í 18“ Dagskráin í dag: Þjóðhátíðarleikur í Eyjum og allskonar annað Er Donnarumma svarið frekar en nýr framherji? KR sækir ungan bakvörð „Sýna að maður eigi það skilið“ ÍBV fær liðsstyrk úr Laugardal Reynsluboltinn Coady til liðs við Hollywood-lið Wrexham Sigur í fyrsta leik hjá Jóhannesi Kristni Liverpool tilbúið að hætta eltingaleiknum við Isak Segir að þeim besta í heimi sé skítsama Má ekki æfa fyrr en hann léttir sig Álftanes bætir Bandaríkjamanni við hópinn Verstappen slekkur á öllum sögusögnunum Jóhannes ræddi ekki við Val: „Ef ég ætlaði að fara frá KR var það alltaf bara út“ Guðjón Valur orðaður við Kiel Bein útsending: Dagur eitt á heimsleikunum í CrossFit 2025 „Númer eitt, tvö og þrjú að knúsa þau sem mest“ Spilar með bestu frisbígolfspilurum heims Einvígið á Nesinu safnar í ár fyrir minningarsjóð Bryndísar Klöru Dönsk þrenna á Akureyri, dramatík í Víkinni og óheppni á Hlíðarenda Newcastle hafnar tilboði Liverpool Niko markahæstur og Gylfi stoðsendingahæstur í Sambandsdeildinni Jón Þór Evrópumeistari á nýju Íslandsmeti Fáránleg hegðun á Hlíðarenda: Plastglas í höfuð og miðfingur á loft Kristján hættur sem þjálfari Vals en Matthías verður áfram Sagðir vilja borga helminginn fyrir Isak í ár og hinn helminginn ári síðar Netverslun Liverpool hrundi vegna álags Gaf tannlækninum teinanna sína Skoraði ekki í leiknum en dómararnir skráðu samt á hana tvö mörk Orri Hrafn í KR og getur spilað í Eyjum Sjá meira