Mourinho treystir leikmönnum sínum

Jose Mourinho knattspyrnustjóri Chelsea, segist hafa fulla trú á að leikmenn sínir geti spjarað sig án hans gegn Bayern Munchen annað kvöld, en stjórinn tekur út bann í leiknum og má því eiga lítil sem engin afskipti af liðinu meðan á leik stendur. "Við höfum farið vel yfir hvað við þurfum að gera í þessum leik og allir í liðinu þekkja sitt hlutverk og vita hvernig þeir eiga að leika. Ég hef því engar áhyggjur af því að þeir spjari sig ekki. Þeir vita hvernig ég hugsa og vita hvernig á að bregðast við," sagði Portúgalinn