Henry til Barcelona?

Forráðamenn Barcelona hafa uppi áform um að næla í franska framherjann Thierry Henry sem leikur með Arsenal í ensku úrvalsdeildinni í knattspyrnu. Með tilkomu hans segjast Börsungar ætla að búa til besta sóknarþríeyki heims en Henry myndi bætast í hóp Kamerúnans Samuel Eto´o og hins brasilíska Ronaldinho. Samkvæmt fregnum frá Spáni er trú Barcelonamanna að tími sé kominn fyrir Henry að færa sig um set og upplagt að taka þátt í að landa fleiri titlum á Nou Camp. Áætlað verð fyrir kappann er í kringum 30 milljón evrur.