Mourinho dregur orð sín til baka

Jose Mourinho, knattspyrnustjóri Chelsea, sem hefur verið ákærður fyrir munnsöfnuð og dylgjur í garð Anders Frisks, dómara frá Svíþjóð, eftir leik Barcelona og Chelsea í Meistaradeildinni í knattspyrnu, hefur dregið orð sín til baka og segist ekki hafa séð Frisk dómara ræða við Frank Rijkaard, þjálfara Barcelona, í leikhléi í fyrri viðureign liðanna. Mourinho segir að hann hafi fengið fréttirnar frá einum aðstoðarmanna sinna en nefnir ekki hverjum. Knattspyrnusamband Evrópu hyggst fjalla um mál knatspyrnustjórans snjalla á fimmtudag.