Casillas hefur ekki áhuga á United

Gines Carvajal, umboðsmaður Iker Casillas, markvarðar Real Madrid, fullyrti nýlega að skjólstæðingur sinn hefði ekki áhuga á að ganga til liðs við Manchester United og bætti því við að Casillas hefði fullan hug á að dvelja áfram á Spáni. "Casillas er rólegur hjá Real Madrid, þar sem hann hefur dvalið lengst af. Hann vill halda áfram heima í Madríd," sagði Carvajal.   Forráðamenn United leita nú hörðum höndum að nýjum markverði en talið er að Roy Carroll muni segja skilið við félagið í sumar þegar samningur hans rennur út.