Sigur á Pólverjum í síðasta leik

Íslenska landsliðið í handknattleik sigraði Pólverja 31-30 í Laugardalshöll í gær. Birkir Ívar Guðmundsson fór á kostum í marki íslenska liðsins og varði 22 skot og var besti maður vallarsins. Jaliesky Garcia og Einar Hólmgeirsson voru markahæstir með 7 mörk hvor. 21 árs landsliðið tryggði sér sæti í lokakeppni heimsmeistaramótsins í Ungverjalandi þegar liðið burstaði Austurríki 36 - 24. Íslensku piltarnir unnu alla leiki sína í undankeppninni og sýndu á köflum stórbrotin tilþrif í Laugardalshöll.