Reyes mjög ánægður hjá Arsenal

Jose Antonio Reyes er mjög ánægður hjá Arsenal og vill alls ekki fara frá liðinu samkvæmt nýjustum fregnum. Þetta var haft eftir Jesus Rodriguez de Moya, umboðsmanni Reyes, en ummælin koma nokkuð á óvart þar sem sú saga hefur flogið fjöllum hærra að Reyes vilji fara frá London og halda til Real Madrid. Spænskir fjölmiðlar hafa m.a.s. fullyrt að Reyes hafi verið kominn með annan fótinn til Spánar. "Þetta á ekki við rök að styðjast. Jose Antonio er samningsbundinn Arsenal og er mjög ánægður þar. Þessar vangaveltur ætla engan endi að taka og verða að hætta," sagði Moya.