Viðskipti innlent
25% íbúðalána hjá bönkunum
Fjórðungur íbúðalána er nú hjá bönkunum áætlar greiningardeild Landsbankans. Þetta er aukning frá því í janúar þegar bankarnir höfðu 19% markaðshlutdeild. Íbúðalánasjóður ætti þannig að vera með 62% lánanna og lífeyrissjóðir um 13%. Í mánaðarskýrslu Íbúðalánasjóðs kemur fram að dregið hafi úr uppgreiðslum á eldri útlánum sjóðsins og að þær verði væntanlega minni en áætlun sjóðsins gerði ráð fyrir. Ekki er þó upplýst um fjárhæðir uppgreiðslna það sem af er ári.
