Marquez ekki með gegn Chelsea

Mexíkaninn Rafael Marquez verður ekki með Barcelona þegar liðið sækir Chelsea heim í síðari leik 16-liða úrslita meistaradeildar Evrópu sem fram fer í vikunni. Hins vegar verður franski kantmaðurinn Ludovic Giuly í leikmannahópi liðsins en talið var að hann yrði ekki búinn að jafna sig af meiðslum sínum í tæka tíð. Marquez, sem hefur verið einn besti leikmaður Barcelona á leiktíðinni, var tekinn út af í hálfleik í sigurleik liðsins gegn Osasuna í gær vegna eymsla aftan í læri. Læknar Barcelona telja þó að Marquez eigi ekki að vera lengur en viku frá keppni.