Jónatan líklega til Þýskalands

Enn einn KA-maðurinn er líklega á leið í atvinnumennsku í Þýskalandi, en Jónatan Magnússon, fyrirliði KA í handknattleik, hyggst semja við þýska 2. deildarliðið TSG Ossweil. KA lék gegn TSG Ossweil í æfingamóti síðastliðið haust og hrifust forráðamenn þýska liðsins mjög af frammistöðu Jónatans. Liðið er sem stendur í 12. sæti 2. deildar af 18 liðum. Jónatan skoðar aðstæður hjá TSG Ossweil 25. til 27. febrúar. Jónatan sagði í samtali við íþróttadeild að fleiri lið séu inni í myndinni hjá sér, þar á meðal franska liðið Creiteil. Jónatan yrði ellefti leikmaðurinn sem yfirgefur KA á átta árum og heldur til Þýskalands í atvinnumennsku, að því er fram kemur á heimasíðu félagsins.