Miami sigraði í risaslagnum

Miami lagði Houston að velli 104-95 í NBA-deildinni í körfuknattleik í gærkvöldi. Dwayne Wade var atkvæðamestur Miami-manna og skoraði 30 stig, tók átta fráköst og átti sex stoðsendingar. Þá bar Phoenix sigurorð af Toronto 123-105. Steve Nash skoraði 19 stig og átti 12 stoðsendingar fyrir Phoenix en sérfræðingar vestra telja Nash líklegan til að verða valinn besti leikmaður deildarinnar. Sacramento vann Minnesota 94-84, Cleveland skellti Millwaukee 104-87 og Los Angeles Lakers vann Charlotte 101-90.