Viðskipti erlent

Lagarde harðorð í garð Grikkja, þeir fá 10 daga frest

Christine Lagarde forstjóri Alþjóðagjaldeyrissjóðsins (AGS) var harðorð í garð Grikkja í gærkvöldi að loknum fundi hennar með fjármálaráðherrum evrusvæðisins í Lúxemborg.

Viðskipti erlent 9.10.2012 06:33

Alþjóðabankinn spáir minni hagvexti í Kína

Alþjóðabankinn hefur endurmetið spá sína fyrir hagvöxt í Kína og gerir nú ráð fyrir minni hagvexti en áður.

Viðskipti erlent 8.10.2012 06:59

Sérfræðingur WSJ: Google hefur vinninginn í kortunum

Walter S. Mossberg, sérfræðingur Wall Street Journal (WSJ) þegar kemur að tækni og tólum, segir að kortahugbúnaður Google, Google Maps, sé miklu öflugri en hjá öðrum þegar kemur að búnaði á snjallsímum. Sérstaklega segir hann þetta greinilegt á nýjum iphone 5 símunum, þar sem er nýr kortahugbúnaður frá Apple, sem sé ekki næstum jafn góður og Google Maps búnaðurinn.

Viðskipti erlent 7.10.2012 21:54

Merkel valdamest - Hillary Clinton þar á eftir

Kanslari Þýskalands, Angela Merkel, er valdamesta kona heims samkvæmt lista Forbes. Á eftir henni kemur Hillary Clinton, utanríkisráðherra Bandaríkjanna og eiginkona Bill Clinton. Í þriðja sæti er síðan Dilma Rouseff, forseti Brasilíu.

Viðskipti erlent 7.10.2012 15:17

Arfleifð Steve Jobs - Apple stærst allra

Rúmt ár er liðið frá því að Steve Jobs, framkvæmdastjóri og einn af stofnendum Apple, hélt á vit forfeðra sinna. Margir óttuðust að fráfall hans myndi boða endalok þess mikla uppgangstíma sem tæknirisinn hafði gengið í gegnum síðustu ár.

Viðskipti erlent 6.10.2012 14:03

Verkfall í verksmiðju Apple

Hátt í fjögur þúsund starfsmenn tævanska raftækjaframleiðandans Foxconn eru nú í verkfalli. Foxconn hefur um árabil framleitt vörur Apple, þar á meðal iPad spjaldtölvuna og iPhone snjallsímana.

Viðskipti erlent 6.10.2012 12:24

Atvinnuleysi minnkar - vinnur með Obama

Atvinnuleysi í Bandaríkjunum hefur dregist saman að undanförnu og mælist nú 7,8 prósent, samkvæmt tölum sem birtar voru í morgun. Þetta er í fyrsta skipt í fjögur ár sem atvinnuleysi í Bandaríkjunum mælist minna en átta prósent, og þykja þær benda til þess að efnahagur Bandaríkjanna sé að rétta hraðar úr kútnum en spáð hafði verið.

Viðskipti erlent 5.10.2012 15:35

Spánn þarf ekki utanaðkomandi efnahagsaðstoð

Luis de Guindos, efnahagsráðgjafi Spánar, segir að Spánn þurfi ekki utanaðkomandi efnahagsaðstoð. Þetta sagði hann í ræðu sem hann hélt í London í gær.

Viðskipti erlent 5.10.2012 08:13

Methagnaður hjá Samsung

Forsvarsmenn Samsung Electronics telja að rekstrarhagnaður á þriðja ársfjórðungi hafi tvöfaldast frá sama tíma í fyrra og að um methagnað sé að ræða.

Viðskipti erlent 5.10.2012 07:56

Stýrivextir óbreyttir á evrusvæðinu - Verðbólga yfir markmiði

Stjórn Seðlabanka Evrópu ákvað að halda stýrivöxtum sínum óbreyttum í 0,75 prósent, en tilkynnt var um þetta á vaxtaákvörðunarfundi bankans í dag.

Viðskipti erlent 4.10.2012 14:24

Milljarður notar Facebook mánaðarlega

Milljarður notenda nota núna Facebook í hverjum mánuði samkvæmt stöðuuppfærslu forsprakka Facebook, Mark Zuckerberg, sem hann birti í morgun á síðu sinni.

Viðskipti erlent 4.10.2012 11:33

IMF: Endurreisn heimsmarkaðarins tekur áratug

Alþjóðagjaldeyrissjóðurinn áætlar að það muni taka áratug fyrir heimsmarkaðinn að ná sér eftir efnahagshrunið. Þetta sagði helsti hagfræðingur sjóðsins í samtali við ungverska fjölmiðla í gær.

Viðskipti erlent 4.10.2012 09:45

Hewlett Packard í frjálsu falli

Hugbúnaðar- og töluvurisinn Hewlett Packard (HP) er í frjálsu falli þessa dagana, og féll gengi hlutabréfa félagsins um 13 prósent í gær. Það gerðist fljótlega eftir að Meg Whitman, forstjóri fyrirtækisins, lýsti því yfir að það myndi taka tíma að snúa rekstri fyrirtækisins við, ekki síst í ljósi þess að fyrirtækið hefði byggt upp tekjustofna sína í kringum sölu á fartölvum og prenturunum. Sala á þessum vörum hefur dregist mikið saman undanfarin misseri, ekki síst vegna innreiðar spjaldtölva á markað.

Viðskipti erlent 4.10.2012 09:09

Nubo metinn á 125 milljarða - Ríkasti Kínverjinn í hart við Obama

Kínverski fjárfestirinn Huang Nubo, sem sýnt hefur áhuga á því að byggja upp ferðaþjónustu á Grímsstöðum á fjöllum, er í 129. sæti á lista Forbes yfir 400 ríkustu Kínverjana. Hrein eign hans er metin á ríflega einn milljarð dala, eða sem nemur 125 milljörðum króna.

Viðskipti erlent 3.10.2012 12:06

Kínverskt fyrirtæki í mál við Barack Obama

Kínverska fyrirtækið Ralls Corp hefur ákveðið að höfða mál gegn Barack Obama forseta Bandaríkjanna þar sem hann kom í síðust viku í veg fyrir að fjárfesting fyrirtækisins í Bandaríkjunum yrði að veruleika. Fyrirtækið hugðist reisa vindmyllugarð í Oregon og selja raforku inn í Bandaríkjamarkað, en Obama stöðvaði áformin á grundvelli ákvæðis í lögum sem varða þjóðaröryggi.

Viðskipti erlent 3.10.2012 09:52

Grikkir leggja Formúlu 1 braut

Stjórnvöld í Grikklandi samþykktu í gær tillögu um leggja Formúlu 1 braut í norðurhluta landsins. Kostnaðurinn við verkefnið hleypur á um hundrað milljón evrum eða rúmlega sextán milljörðum íslenskra króna.

Viðskipti erlent 3.10.2012 08:30

Samsung stefnir Apple vegna iPhone 5

Samsung Electronics, sem framleiðir Samsung Galaxy símana, hefur ákveðið að höfða mál gegn Apple. Samsung sakar Apple um að hafa brotið gegn höfundarlögum með ýmsum lausnum sem eru í boði á nýja iPone 5 símanum, eftir því sem fram kemur í frétt Reuters.

Viðskipti erlent 2.10.2012 21:53

Lággjaldaflugfélagið Gol kaupir 60 Boeing vélar

Brasilíska lággjaldaflugfélagið Gol hefur ákveðið að festa kaup á 60 Boeing flugvélum en samningurinn er metin á um sex milljarða dala, eða sem nemur um 750 milljörðum króna. Frá þessu er greint á vefsíðu breska ríkisútvarpsins BBC.

Viðskipti erlent 2.10.2012 11:42

Bandarísk stjórnvöld höfða mál gegn JP Morgan

Embætti saksóknara í New York hefur ákveðið að höfða mál gegn bandaríska bankanum JP Morgan vegna meintra fjársvika Bear Stearns bankans á árunum 2006 og 2007, en JP Morgan keypti bankann eftir í mars 2008.

Viðskipti erlent 2.10.2012 09:33

Google stærri en Microsoft

Tæknirisinn Google er verðmætara fyrirtæki en hugbúnaðarfyrirtækið Microsoft. Breyting á gengi hlutabréfa fyrirtækjanna í kauphöllinni í New York í gær varð til þessa að verðmæti Google er nú um 250 milljarðar dollara.

Viðskipti erlent 2.10.2012 08:45

Fjórir bankamenn ákærðir fyrir innherjasvik

Bresk yfirvöld hafa ákært fjóra breska bankamenn fyrir innherjasvik, að því er Wall Street Journal (WSJ) greindi frá í dag. Á meðal ákærðu er fyrrverandi framkvæmdastjóri Deutsche Bank, Martyn Dodgson, en málið er sagt vera umfangsmesta mál sinnar tegundar í Bretlandi.

Viðskipti erlent 1.10.2012 21:33

Endist ræða Gekko vel? Sitt sýnist hverjum

Ræðan sem Gordon Gekko (leikinn af Michael Douglas) heldur á hluthafafundi í kvikmyndinni Wall Street frá árinu 1987, er ein frægasta sena kvikmyndasögunnar, þar sem fjárfestingar og viðskipti eru til umfjöllunar. Í ræðunni lætur hinn hrokafulli Gekko þau orð falla að "græðgi sé góð“.

Viðskipti erlent 1.10.2012 12:08

Atvinnuleysi á evrusvæðinu nær nýjum hæðum

Atvinnuleysi á evrusvæðinu náði nýjum hæðum í ágúst. Rúmlega átján milljónir manna eru nú án vinnu í sautján aðildarlöndum myntbandalagsins. Þetta kemur fram í nýjustu tölum Eurostat, hagstofu Evrópusambandsins.

Viðskipti erlent 1.10.2012 11:45

Nokia að semja um kortabúnað við Oracle

Finnska fjarskiptafyrirtækið Nokia hefur nú samning við hugbúnaðarrisann Oracle á teikniborðinu, sem miðar að því að gefa notendur hubúnaðar frá Oracle færi á því að tengjast við ört vaxandi kortahugbúnað frá Nokia, að því er segir í frétt á vef Wall Street Journal.

Viðskipti erlent 1.10.2012 09:03

Toyota og Honda að ná vopnum sínum í Bandaríkjunum

Bílaframleiðendurnir Toyota og Honda eru að ná vopnum sínum á Bandaríkjamarkaði og er búist við því að nýjar sölutölur fyrir septembermánuð, sem birtar verða á þriðjudag, sýni það. Frá þessu greinir Wall Street Journal (WSJ) í dag. Greinendur búast við að sala á nýjum bifreiðum hafi verið 11 prósent betri í september á þessu ári heldur en í fyrra, sem þýðir að um 1,1 milljón bifreiða hafi selst, að því er fram kemur á vef WSJ.

Viðskipti erlent 30.9.2012 23:36

Félagarnir hjá Google yngstir á meðal þeirra 20 ríkustu

Þeir einu sem eru á meðal tuttugu ríkustu einstaklinga Bandaríkjanna, samkvæmt lista Forbes, sem eru undir fertugu, eru félagarnir hjá Google, Sergey Brin og Larry Page. Þeir eru í 13. sæti á listanum en auður þeirra beggja, hvor um sig, er metinn á 20,3 milljarðar dala, eða sem nemur ríflega 2.500 milljörðum króna.

Viðskipti erlent 30.9.2012 10:28

Walmart-fjölskyldan ríkust í Bandaríkjunum

Fjórir meðlimir Walton fjölskyldunnar, sem stofnaði smásölurisann Walmart í Bandaríkjunum, eru á meðal þeirra tíu sem Forbes telur ríkasta fólk Bandaríkjanna. Samanlagður auður þeirra nemur meira en 100 milljörðum dala, eða sem nemur 12.500 milljörðum króna. Það jafngildir tæplega áttfaldri árlegri landsframleiðslu Íslands.

Viðskipti erlent 30.9.2012 08:30

iPhone 5 úr gulli og demöntum

Breskt fyrirtæki ætlar að selja hundrað stykki af sérstakri útgáfu af iPhone fimm símanum sem Apple gaf út á dögunum. Munurinn á þessum símum og þeim upprunalega er að hann er úr gulli og demöntum.

Viðskipti erlent 29.9.2012 14:34

Spænskir bankar þurfa 9.500 milljarða króna

Spænskir bankar þurfa 59,3 milljarða evra, eða sem nemur ríflega 9.500 milljörðum króna, til þess að lifa af erfiðleika á fjármálamörkuðum í Evrópu, þar ekki síst á Spáni. Frá þessu er greint á vefsíðu breska ríkisútvarpsins BBC í dag, og er vitnað til sjálfstæðrar úttektar sérfræðinga.

Viðskipti erlent 29.9.2012 13:30

Mestu árásir tölvuþrjóta í sögunni á stórbanka í Bandaríkjunum

Nokkrir stórbankar í Bandaríkjunum hafa orðið fyrir umfangsmestu árásum tölvuþrjóta í sögunni. Vegna árásanna hafa heimasíður þessarar banka meir og minna lamast frá því í síðustu viku.

Viðskipti erlent 28.9.2012 07:03