Innlent

Vara við fölsuðu Xanax í dreifingu

Lögreglan og heilbrigðisráðuneytið vara við því að hættulegt efni sé í umferð. Þar er um að ræða falsað Xanax eða Alprazólma, sem er kvíðalyf, og hefur verið sett á gul viðvörun vegna þessa.

Innlent

Fram­boðin missi mögu­lega af leiðinni að hjarta kjós­enda

Kosningabaráttan í aðdraganda sveitarstjórnarkosninga hefur einkennst af gervigreind, samfélagsmiðlabólum, endurunnu efni og upplýsingadrifnum auglýsingum þar sem frambjóðendur horfa mikið hver til annars. Stofnandi auglýsingastofunnar Tvist segir framboðin ekki endilega nýta sterkustu vopn auglýsinganna.

Innlent

Hníf­jafnt til hægri og vinstri

Kjósendur í Reykjavík eru klofnir í afstöðu sinni til þess hvort myndaður verði meirihluti til hægri eða vinstri að kosningum loknum, ef marka má nýja könnun Maskínu. 50,7 prósent vilja meirihluta frá miðju til vinstri en 49,3 prósent vilja meirihluta frá miðju til hægri. Meirihluti kjósenda Viðreisnar vill samstarf til vinstri.

Innlent

Arn­dís Anna til Bifrastar

Háskólinn á Bifröst hefur ráðið Arndísi Önnu K. Gunnarsdóttur, fyrrverandi alþingismann, til starfa sem lektor við lagadeild háskólans.

Innlent

Allt sem þú þarft að vita um kosningarnar

Landsmenn munu ganga að kjörborðinu á morgun og kjósa til sveitarstjórna víðsvegar um landið. Kjörstaðir verða opnaðir um allt land í fyrramálið, flestir klukkan níu og verður þeim í flestum tilfellum lokað klukkan 22. Vísir hefur tekið saman nokkur helstu atriðin varðandi kosningarnar og framkvæmd þeirra.

Innlent

Bríet krefur Pálma Ragnar um átta milljónir króna

Söngkonan Bríet Ísis Elfar krefur þrotabú félagsins Líms og varahluta ehf., sem hét áður Rok records og var í eigu tónlistarmannsins Pálma Ragnars Ásgeirssonar, um tæplega átta milljónir króna vegna höfundaréttar-, útgáfuréttar og rétthafagreiðslna, sem hún telur sig hafa verið hlunnfarna um.

Innlent

Icelandair enn og aftur í vand­ræðum

Icelandair aflýsti í kvöld fraktflugi frá Keflavíkurflugvelli til Liege í Belgíu vegna skorts á flugmönnum. Boeing 767 fraktþotan átti að fara í loftið klukkan 20:20 í kvöld. Þetta er í þriðja sinn á rúmri viku sem ferð flugfélagsins er aflýst vegna áhafnarskorts og þá hefur öðru áætlunarflugi verið seinkað af sömu ástæðu.

Innlent

„Ég átta mig ekki á því hvað er verið að meina með því“

Hakakrossar hafa verið krotaðir á útilistaverkið Partnership sem stendur við Sæbraut í Reykjavík. Verkið er í eigu Listasafns Reykjavíkur en nýlega var búið að gera við það. Safnstjóri segir þetta leiðindamál og til standi að bregðast skjótt við þegar fólk snýr aftur til vinnu á morgun.

Innlent

Borgar­stjóri kom af fjöllum

Heiða Björg Hilmisdóttir borgarstjóri segir fyrirætlanir um að leggja Ingólfstorg undir sölubása og takmarka um leið aðgengi hjólabrettafólks hafa komið sér í opna skjöldu. Hún muni beita sér fyrir því að torgið verði áfram hluti af íslensku hjólabrettasenunni og nýr staður fundinn fyrir markaðinn.

Innlent

„Lifði eins og greifi“ á kostnað bróður síns með því að svíkja út vörur í kaup­fé­laginu

Héraðsdómur Norðurlands vestra dæmdi í gær karlmann í níu mánaða fangelsi, skilorðsbundið til tveggja ára, fyrir fjársvik sem beindust að bróður hans. Á árunum 2016 til 2021 sveik maðurinn út vörur úr verslunum Kaupfélags Skagfirðinga, það eru Skagfirðingabúð, Verslun Eyri og Bifreiðaverkstæði kaupfélagsins. Það gerði hann með því að skuldfæra vörur á viðskiptareikning sem hann hafði vitneskju um.

Innlent

„Bara djók sem gekk of langt“

Frambjóðendum Miðflokkins í Vestmannaeyjum brá við aðkomuna að kosningaskrifstofunni sinni í dag þar sem ungir skemmdarvargar höfðu krotað typpi og skrifað „XD“ utan á veggi skrifstofunnar.

Innlent

„Mean girls“-stemning í munn­legu prófi við HÍ

„Það eina sem ég get gert núna er bara að vara fólk við því að velja sér þennan áfanga af því að þetta er galið,“ segir Kristrún Svein­björns­dóttir sem ásamt 26 sam­nem­endum kærði munn­legt próf í upp­eldis- og menntunar­fræði við Háskóla Ís­lands vegna „mjög svo niður­lægjandi fram­komu kennara og próf­dómara“.

Innlent

Heldur að Krist­rún muni banna Björgu að líta til hægri

Björg Magnúsdóttir, oddviti Viðreisnar í borginni, segir að erfitt yrði að mynda meirihluta með Miðflokknum í borginni. Ari Edwald, oddviti Miðflokksins, segir sömuleiðis að hann telji að Kristrún Frostadóttir, forsætisráðherra og formaður Samfylkingarinnar, myndi ekki leyfa Viðreisn að vinna með Sjálfstæðisflokknum í borginni.

Innlent

Teknar úr um­ferð fyrr en til stóð

Icelandair ætlar að hætta rekstri á Boeing 757-þotum sínum fyrr en áætlað var. Er þetta gert í ljósi yfirstandandi átaka í Miðausturlöndum og snarpra verðhækkana á eldsneyti.

Innlent

Kona bankaði upp á en inn ruddust tveir menn

Lögreglan rannsakar rán og minniháttar líkamsárás í Salahverfi í Kópavogi í nótt þar sem kona og tveir menn eru sögð hafa ráðist á mann inni á heimili hans. Konan er sögð hafa bankað upp á en þegar húsráðandinn opnaði dyrnar ruddust inn tveir karlmenn sem réðust á hann og rændu hann.

Innlent

Flug­völlur er ekki bara upp á punt

Innviðaráðherra hyggst láta greina hvort gullhúðun Evróputilskipana hafi átt sér stað þegar íslenskum flugvöllum var gert að fá bæði starfsleyfi og rekstrarleyfi. Heilbrigðisnefnd Reykjavíkur er sökuð um að fara langt út fyrir valdheimildir sínar með því að reyna að þrengja að Reykjavíkurflugvelli.

Innlent

Mest lesið