Sendiherra Bandaríkjanna drepinn í Líbýu

Sjálfur sendiherra Bandaríkjanna í Líbýu var meðal þeirra sem létu lífið þegar ráðist var á sendiráðsskrifstofu Bandaríkjanna í Benghazi í Líbýu í gærkvöldi.

Fregnir herma að fjórir starfsmenn sendiráðsins hafi látist þegar vopnaðir menn köstuðu handsprengjum inn á skrifstofuna og kveiktu svo í henni. Árásin var gerð til að mótmæla því að í bandarískri kvikmynd væri að finna móðganir í garð Múhameðs spámanns.

Yfirvöld í Bandaríkjunum hafa aðeins staðfest dauða eins starfsmanns sem komið er.

Mótmælendur hafa einnig ráðist á sendiráð Bandaríkjanna í Egyptalandi vegna kvikmyndarinnar sem um ræðir.



BBC segir frá.