Lög og regla

Fréttamynd

Eldur í húsi að Klapparstíg

Allt tiltækt lið slökkviliðsins var kallað út fyrir stundu vegna elds í tveggja hæða húsi að Klapparstíg 30. Þar er til húsa veitingastaðurinn Sirkus. Að sögn slökkviliðsins er eldurinn þó ekki á veitingastaðnum heldur í íbúð á annarri hæð hússins. Unnið er að því að ráða niðurlögum eldsins, sem hefur m.a. læst sig í veggi, en eldsupptök eru ókunn.

Innlent
Fréttamynd

Varð undir hesti sínum í göngum

Björgunarsveitin Dalvík og Björgunarsveitin Tindur Ólafsfirði voru kallaðar út síðdegis í gær vegna slyss í Þverárdal inn af Skíðadal en þar hafði gangnamaður orðið undir hesti sínum og slasast nokkuð. Læknir og sjúkraflutningamenn komu einnig á staðin frá Dalvík. Hinn slasaði var borinn á móts við sjúkrabíl um 5 kílómetra leið.

Innlent
Fréttamynd

Mikill erill eftir Ljósanótt

Mikill erill var hjá lögreglunni Keflavík í gærkvöld eftir að formlegri dagskrá Ljósanætur lauk í Reykjanesbæ en nokkuð var um unglingadrykkju og ólæti í bænum.

Innlent
Fréttamynd

Velti bíl við að reyna ökukúnstir

Sautján ára piltur velti bíl sínum í Húsagötu við Brekkuhjalla í Kópavogi í gærkvöldi. Einn farþegi var í bílnum og sluppu þeir báðir ómeiddir. Ökumaðurinn var að leika sér að því að láta ískra í dekkjum í þessari íbúðagötu þar sem hámarkshraði er þrjátíu kílómetrar á klukkustund. Færnin var ekki meiri en svo að bíllinn endaði á toppnum og skemmdist talsvert.

Innlent
Fréttamynd

Störf lögreglu verði rannsökuð

Ung hjón hafa krafist rannsóknar á ætlaðri handvömm lögreglunnar í Reykjavík vegna andláts sonar þeirra við fæðingu á Landspítalanum árið 2002.

Innlent
Fréttamynd

Eldur í húsnæði við Fiskislóð

Allt tiltækt slökkvilið höfuðborgarsvæðisins var kallað út um klukkan hálfsjö í morgun vegna bruna í atvinnuhúsnæði við Fiskislóð í Reykjavík. Var útlit fyrir að um stórbruna væri að ræða. Þykkan, svartan reykjarmökk lagði út um allar dyr og glugga en húsnæðið er einungis einn geimur, að hluta til á tveimur hæðum.

Innlent
Fréttamynd

Slasaðist þegar fjórhjól valt

Maður slasaðist þegar fjórhjólið hans valt í Svínahrauni í dag. Þyrla Landhelgisgæslunnar var kölluð út til að flytja hann á sjúkrahús.

Innlent
Fréttamynd

Vikugæsluvarðhald vegna mannráns

Fimm karlmenn sem handteknir voru, grunaðir um mannrán á Seltjarnarnesi í gær, voru allir úrskurðaðir í vikugæsluvarðhald í Héraðsdómi Reykjavíkur í dag. Fimmeningarnir komu að verslun Bónuss á Seltjarnarnesi og neyddu starfsmann verslunarinnar með sér út í bíl, settu hann í farangursgeymsluna og óku á brott.

Innlent
Fréttamynd

Skemmdarverk unnin á Rimaskóla

Veruleg skemmdarverk voru unnin á Rimaskóla í Grafarvogi í nótt. Stórum grjóthnullungum og járnstöngum var kastað í rúður og voru þrettán brotnar. Lögreglan segist hafa grun um hverjir þarna voru að verki.

Innlent
Fréttamynd

Höfuðpaur nýsloppinn úr varðhaldi

Fimm ungir piltar voru úrskurðaðir í gæsluvarðhald í dag fyrir mannrán á Seltjarnarnesi í gær. Meintur höfuðpaur losnaði úr gæsluvarðhaldi vegna annarra mála í gær.

Innlent
Fréttamynd

Fíknefni í bílhurð

Lögreglan í Borgarnesi handtók aðafaranótt laugardags par sem hafði í fórum sér fimm til tíu grömm af kannabisefnum. Leitað var bæði í húsi og bifreið hinna grunuðu. Efnin fundust með hjálp fíkniefnahunds og voru falin inni í bílhurð.

Innlent
Fréttamynd

Eldur í blokk við Kleppsveg

Slökkvilið höfuðborgarsvæðisins var kallað að fjölbýlishúsi við Kleppsveg í nótt og þegar að var komið logaði eldur í djúpsteikingarpotti. Greiðlega gekk að slökkva eldinn. Húsráðandi, sem var ölvaður, var fluttur á slysadeild vegna gruns um reykeitrun.

Innlent
Fréttamynd

Var nýkominn úr síbrotagæslu

Fimm karlmenn eru í haldi lögreglunnar grunaðir um mannrán á Seltjarnarnesi í gær. Höfuðpaur ránsins hafði nýverið verið sleppt úr síbrotagæslu vegna þjófnaðarmála.

Innlent
Fréttamynd

Handteknir fyrir mannrán

Fimm karlmenn voru handteknir í gær fyrir að ræna starfsmanni í verslun Bónuss á Seltjarnarnesi. Meintur höfuðpaur í ráninu var leystur úr gæsluvarðhaldi nokkrum klukkustundum fyrir ránið. Mennirnir neyddu manninn með sér út í bíl, settu hann þar í farangursgeymslu og fóru með hann að hraðbanka þar sem hann var neyddur til að taka út 30 þúsund krónur af reikningi sínum.

Innlent
Fréttamynd

Fimm mannræningjar í gæsluvarðhald

Fimm menn á aldrinum 16 til 26 ára voru í gær úrskurðaðir í sex daga gæsluvarðhald í Héraðsdómi Reykjavíkur. Þeir eru grunaðir um að hafa rænt starfsmanni Bónuss á Seltjarnesi á föstudag. Mennirnir, sem voru flestir undir áhrifum áfengis eða vímuefna, voru handteknir skömmu eftir atburðinn eftir að starfsfólk Bónuss gat gefið lögreglu lýsingar á þeim.

Innlent
Fréttamynd

Hópferðamiðstöð kærir útboð

Hópferðamiðstöðin hefur kært útboð Vegagerðarinnar á sérleyfisleiðum á Íslandi næstu þrjú ár til Samkeppnisstofnunar og kærunefndar útboðsmála.

Innlent
Fréttamynd

Ungmenni á skilorði

Málum þriggja ungmenna var í gær lokið strax við þingfestingu í Héraðsdómi Reykjavíkur í gær.Símon Sigvaldason héraðsdómari áminnti 19 ára pilt um að halda sig nú réttu megin laganna á nýju skilorði og ungt par sömuleiðis.

Innlent
Fréttamynd

Lést í slysi á sjó

Banaslys varð um borð í bátnum Hauki EA í gærkvöldi þegar báturinn var staddur um 30 sjómílur vestnorðvestur af Garðaskaga. Maður á fimmtugsaldri klemmdist á milli trollhlera í bátnum og er talið að hann hafi látist samstundis. Þyrla Landhelgisgæslunnar var kölluð út vegna slyssins rétt fyrir klukkan níu í gærkvöldi en hún kom með hinn látna til Reykjavíkur klukkan rúmlega tíu í gærkvöldi.

Innlent
Fréttamynd

Fór út af við Þingvallavatn

Ölvaður ökumaður slapp ómeiddur þegar hann ók fólksbíl sínum út af veginum meðfram Þingvallavatni um áttaleytið á fimmtudagskvöld. Að sögn lögreglu á Selfossi fór bíllinn út af við Vatnsvik, en meðfram vatninu er vegurinn nokkuð hlykkjóttur og mishæðóttur.

Innlent
Fréttamynd

Reykjavíkurvegur lokaður

Búast má við umferðartöfum á Reykjavíkurvegi í Hafnarfirði næsta mánuðinn en þar verður frá og með deginum í dag unnið að gerð nýs hringtorgs við Arnarhraun.

Innlent
Fréttamynd

Slösuðust lítillega í bílveltu

Tveir menn voru fluttir á slysadeild eftir að bíll sem þeir voru í valt við Jónsgeisla við Reynisvatnsveg í Grafarholti á tólfta tímanum í gærkvöldi. Að sögn lögreglunnar voru meiðsl mannanna minniháttar, en bifreiðin er mikið skemmd.

Innlent
Fréttamynd

Einbýlishús eyðilagðist í bruna

Tveggja hæða hús eyðilagðist í bruna á Siglufirði í nótt. Slökkviliði Siglufjarðar var tilkynnt um eld í gömlu tveggja hæða steinsteyptu einbýlishúsi að Mjóstræti 1 um klukkan tvö í nótt. Að sögn lögreglunnar á Siglufirði var mikill eldur í húsinu þegar slökkvilið kom á staðinn skömmu síðar og logaði út um glugga á neðri hæð.

Innlent
Fréttamynd

Dæmdur í fangelsi sextán ára

Sextán ára gamall piltur var í gær dæmdur í 16 mánaða fangeldi fyrir fjölda innbrota og þjófnaðarmála, en ákæruliðir voru yfir 20 talsins. Dóminn kvað upp Guðjón St. Marteinsson héraðsdómari í Héraðsdómi Reykjavíkur.

Innlent
Fréttamynd

Beltin björguðu vörubílstjóra

Bílbelti björguðu ökumanni vörubifreiðar frá meiðslum þegar vegkantur gaf sig undan bílnum þar sem hann var á ferð í Melasveit um klukkan tvö í gærdag.

Innlent
Fréttamynd

Ákært fyrir framleiðslu amfetamíns

Sameinuð voru mál á hendur 34 ára gömlum manni sem setið hefur í gæsluvarðahaldi í rúma fjóra mánuði í Héraðsdómi Reykjavíkur í gær. Maðurinn var ákærður fyrir að hóta og svo ráðast á prófessor í réttarlæknisfræði þannig að sá hlaut af nokkur meiðsli í mars á þessu ári.

Innlent
Fréttamynd

Ófriður og umferð

Lögreglan í Keflavík fór í eitt útkall vegna heimilisófriðar og ölvunar aðfaranótt föstudags, en sagði föstudagsvaktina að öðru leyti hafa verið tíðindalitla.

Innlent
Fréttamynd

Þrír fengu skilorð

Þrír ungir menn um og yfir tvítugt voru í gær dæmdir fyrir innbrot í tölvuverslun þar sem þeir stálu vörum fyrir tæpar 600 þúsund krónur. Sá sem þyngstan dóm hlaut var dæmdur til sex mánaða fangelsisvistar, en hinir tveir í þriggja mánaða fangelsi. Dómarnir voru allir skilorðsbundnir í þrjú ár.

Innlent
Fréttamynd

Bólar ekki á ómerktum bílum

Lögreglan á Akranesi hafði í gær ekki enn fengið fyrirmæli um aukið umferðareftirlit á götum bæjarins, en vefmiðillinn Skessuhorn boðaði það í viðtali við Ólaf Þór Hauksson sýslumann í lok síðasta mánaðar.

Innlent

Mest lesið