Dag­skráin í dag: Meistara­deildin hefst og Há­kon er þar í eld­línunni

Alls fara sex leikir fram í keppninni í kvöld og verður hægt að fylgjast með öllu því helsta úr þeim leikjum sem hefjast klukkan sjö í Meistaradeildarmessunni með Gumma Ben og hans sérfræðingum. 

Herlegheitin hefjast hins vegar klukkan korter í fimm þegar að AEK frá Aþenu tekur á móti LASK í beinni útsendingu á Sýn Sport Viaplay.

Á sama tíma tekur Club Brugge á móti enska liðinu Aston Villa í beinni á Sýn Sport 2.

Meistaradeildarmessan með Gumma Ben og félögum hefst klukkan hálf sjö á Sýn Sport. 

Klukkan sjö hefjast síðan kvöldleikir Meistaradeildarinnar og þar eigum við Íslendingar fulltrúa. 

Hákon Arnar Haraldsson stimplar sig inn til leiks með Lille sem tekur á móti Real Betis frá Spáni sem lagði Real Madrid að velli heima fyrir um nýliðna helgi. Leikur Lille og Real Betis verður sýndur í beinni á Sýn Sport 3. 

Porto tekur svo á móti Manchester City í beinni á Sýn Sport 2 og segja má að stórleikur kvöldsins sé síðan viðureign Real Madrid og Inter. Sá leikur verður sýndur í beinni útsendingu á Sýn Sport Viaplay. 

Meistaradeildarmörkin með Kjartani Atla og hans sérfræðingum taka síðan við að leikjunum loknum um níu leitið á Sýn Sport.