Meira en hundrað lög­reglu­menn fyrir utan HM-hótel Eng­lands

England hafði lengst af vonast til að halda dvalarstað sínum í Mexíkóborg leyndum fyrir leikinn aðfaranótt mánudags að íslenskum tíma, en það komst fljótt upp.

Fyrr í vikunni var Ekvador mjög óánægt með að mexíkóskir stuðningsmenn notuðu hátalara, flautur og mótorhjól til að valda hávaða fyrir utan hótelið. Mexíkó vann þann leik 2-0.

Þegar liðsrúta Englands kom að hótelinu fyrir 16-liða úrslitaleikinn stóðu nokkur hundruð mexíkóskir stuðningsmenn fyrir utan og púuðu á þá og hvöttu Mexíkó áfram.

Óeirðalögreglan gætir því HM-hótels Englands enda er óttast að ákafir og ástríðufullir stuðningsmenn reyni allt til að trufla undirbúning ensku landsliðsmannanna.

Yfirvöld í Mexíkóborg hafa einnig gripið til aðgerða eftir fyrrnefndan leik gegn Ekvador, þar sem fjórir létust í gríðarlegum fagnaðarlátum. 

Nú verður tvöfaldur fjöldi öryggisvarða á staðnum og einnig hefur verið dregið úr aðsókn þar sem stuðningsmenn geta fylgst með leiknum á risaskjá.