Tíðindi í glæ­nýrri Maskínukönnun, Sam­hjálp og HM í nuddi

Íbúar sem andæfðu nýrri staðsetningu Kaffistofu Samhjálpar við Grensásveg höfðu betur í deilumáli. Við ræðum við framkvæmdastjóra Samhjálpar í beinni útsendingu og fáum að heyra hvaða þýðingu þessar vendingar munu hafa á skjólstæðinga Kaffistofunnar.

Hvalveiðiskip Hvals hf. hafa veitt þrjár langreyðar síðan á föstudag. Við sýnum myndefni frá Hvalfirði.

Þá fjöllum við um skæða hitabylgju sem heldur hluta Evrópu í heljargreipum.

Við verðum í beinni frá bílastæðinu í Smáralind en forsvarsmenn verslunarmiðstöðvarinnar hyggjast taka upp gjaldskyldu í haust. Við fáum nánari útskýringar á fyrirkomulaginu. Við verðum líka í beinni útsendingu frá Suðursveit þar sem verið er að taka í notkun nýjan fjölnota íþróttavöll.

Ísland á fulltrúa á heimsmeistaramóti nuddara í Kaupmannahöfn. Fréttastofa sendi Odd Ævar Gunnarsson, fréttamann, á nuddbekkinn þar sem hann fékk að kynnast því besta sem gerist í nuddi þótt Oddur hafi stundum rekið upp harmakvein þegar nuddarinn vann á vöðvabólgunni.

Í sportinu verður rætt við Gunnlaug Árna sem skráði nafn sitt í íslensku golfsöguna þegar hann varð fyrstur til að taka þátt á opna bandaríska meistaramótinu.

Forsætisráðherra er síðan gestur í Íslandi í dag. Hún ræðir um liðinn þingvetur, efnahagsmálin og þjóðaratkvæðagreiðsluna í ágúst. Missiði ekki af kvöldfréttum á samtengdum rásum Sýnar, Vísis og Bylgjunnar á slaginu hálf sjö.