Guð­rún Brá og Birgir Björn Ís­lands­meistarar í holu­keppni

Þetta er í þriðja sinn sem Guðrún Brá hreppir titilinn á ferlinum en hún hafði mikla yfirburði í úrslitaeinvígi dagsins sem fram fór á Urriðavelli gegn Heiðu Rakel Rafnsdóttur úr Golfklúbbi Mosfellsbæjar og lauk einvíginu á þrettándu holu þegar að Guðrún komst sex holum yfir.

Birgir Björn er hins vegar að tryggja sér þennan Íslandsmeistaratitil í fyrsta sinn á ferlinum. Hann þurfti að hafa fyrir því að landa honum í dag á Hólmsvelli í Leiru gegn Guðmundu Ágústi Kristjánssyni úr Golfklúbbi Reykjavíkur. 

Eftir átján holur stóð einvígi kappanna jafnt og því þurfti að grípa til bráðabana til þess að skera úr um hvor myndi standa uppi sem Íslandsmeistari. 

Þar var það Birgir Björn sem landaði titlinum. Fyrstu holu bráðabanans fór hann á fugli eftir að hafa komið sér innan við meter frá holunni, sem var par fjögur, á tveimur höggum. Fuglinn því öruggur en á sama tíma fór Guðmundur Ágúst holuna á pari. Þar með lauk einvíginu með sigri Birgis.