Körfuslúður og KR með hreðjatak á Vals­mönnum

KR þaggaði niður í hinum svokölluðu sérfræðingum þáttarins sem gerðu ráð fyrir stórsigri Vals í gær. Besta sætið mun éta sinn ullarsokk út daginn. KR er með alvöru hreðjatak á Valsmönnum eftir þrjá stórsigra á skömmum tíma.

Enn syrtir í álinn hjá Stjörnumönnum sem töpuðu gegn toppliði Víkings í gær og áttu ekkert í því. Maí er ekki lokið og Stjarnan er þegar búin að stimpla sig út í titilbaráttunni. Ekki alveg það sem var lagt upp með fyrir tímabilið.

Það er mikið slúðrað í körfuboltanum þessi dægrin enda margir leikmenn sem munu söðla um og svo er Stjarnan enn í þjálfaraleit til að mynda. Við rennum yfir helstu sögurnar.

Besta sætið er hlaðvarp íþróttadeildar Sýnar. Það kemur út alla virka daga og er aðgengilegt á öllum helstu hlaðvarpsveitum.