Bæjar­stjóri Hafnar­fjarðar fer yfir dramatíkina

Valdimar Víðisson, bæjarstjóri Hafnarfjarðar, fer yfir dramatíkina þar á bæ í beinni útsendingu í myndveri. 

Ný og, því sem næst, svört skýrsla Þróunarsjóðs námsgagna sýnir að fjármagn til námsgagnagerðar hafi rýrnað til muna síðustu tvo áratugi. Formaður sjóðsins segir ósanngjarnt að í umræðunni sé kennurum kennt um lakari námsárangur barna þegar þeir hafi ekki sömu kennslutól og kennarar á hinum Norðurlöndunum.

Íbúi skammt frá Miðbakka segir það fullreynt að hafa parísarhjól á svæðinu og kallar eftir því að borgarbúar endurheimti útivistarsvæði. Undirskriftarlisti hefur verið stofnaður til að mótmæla áformunum.

Rithöfundar eru í auknum mæli hættir að setja bækur sínar inn á streymisveituna Storytel vegna óánægju með kostnaðarskiptingu. Þetta segir formaður Rithöfundasambandsins sem lýsir því yfir fullum fetum að íslenskir rithöfundar lepji dauðann úr skel.

Við verðum í beinni frá íslenska brugghúsadeginum í Tónabíói þar sem gestir smakka ýmsar tegundir af bjór. 

Myndskeið af þriðja flokks leik Stjörnunnar í fótbolta hefur vakið spurningar um áherslur í yngri flokka þjálfun og hlutverk þjálfara. Aðjunkt við Háskólann í Reykjavík segir gagnrýni fullharða vegna myndskeiðsins.